Տանից դուրս է եկել ու չի վերադարձել
Ապրիլի 4-ին, ժամը 18.00-ին Սիսիանի հրշեջ-փրկարարական ջոկատում քաղաքացի Ս. Գրիգորյանից ահազանգ է ստացվել, որ իր որդին` 1971 թ. ծնված Արթուր Գրիգորյանը, ապրիլի 4-ին, ժամը 21.00-ի սահմաններում տանից դուրս է եկել ու չի վերադարձել. անհրաժեշտ է փրկարարների օգնությունը։
Ժամը 18.15-ից մինչեւ 21.30-ը Սիսիանի հրշեջ-փրկարարական ջոկատից մեկ մարտական հաշվարկի եւ ոստիկանության աշխատակիցների համատեղ ուժերով իրականացվել են որոնողա-փրկարարական աշխատանքներ` մարզի Շամբ, Որոտան եւ Վաղատին գյուղերի տարածքներում։
Աշխատանքներն ավարտվել են անարդյունք եւ շարունակվելու են ապրիլի 6-ին։

Ոչխարները հայտնաբերվել են
Մարտի 25-ին Սյունիքի մարզի Վերիշեն գյուղի բնակիչ Կ. Ամալյանից տեղեկություն  է ստացվել, որ մարտի 23-ին, ժամը 18.30-ին կորել է իրեն պատկանող 35 գլուխ ոչխարը։
Կորած ոչխարները հայտնաբերվել են մարտի 24-ի առավոտյան։
Կենդանիներից 20-ը եղել են գայլերի կողմից հոշոտված, 8-ը` վնասված վիճակում։

Մեքենան շրջվել է ձորը
Մարտի 19-ին, ժամը 15.10-ին ահազանգ է ստացվել, որ Կապան-Քաջարան ավտոմայրուղու 12-րդ կմ-ում տեղի է ունեցել ավտոպատահար, եւ անհրաժեշտ է փրկարարների օգնությունը։
Դեպքի վայր են մեկնել մարզային փրկարարական ջոկատը եւ մեկ մարտական հաշվարկ։
Դեռեւս չպարզված հանգամանքներում «Ֆռայտ» մակնիշի ԻՌ 54185 պետհամարանիշի ավտոմեքենան դուրս է եկել ճանապարհի երթեւեկելի մասից եւ շրջվել ձորը։
Փրկարարների ուժերով ավտոմեքենայից դուրս են բերվել Իրանի Իսլամական Հանրապետության քաղաքացիներ` 1962 թ. ծնված Ֆարիբորզ Սաֆարազի եւ 1992 թ. ծնված Ֆահրադ Ֆարիբոզի Մանսուրիները։
Տուժածները տեղափոխվել են Կապանի բժշկական կենտրոն, որտեղ ստանալով առաջին բուժօգնություն, դուրս են գրվել։

Քամու եւ առատ տեղումների վնասները
Սյունիքի մարզից տեղեկություն է ստացվել, որ մարտի 15-ի լույս 16-ի գիշերը մարզի տարածքում գրանցված ուժեղ քամու հետեւանքով մարզի գյուղերում վնասվել են շինությունների տանիքներ` Բռնակոթում` 190, Իշխանասարում` 116, Նորավանում` 1270, Սպանդարյանում` 532 քմ մակերեսներով, կոտրվել են ապակիներ։
Քամին վնասներ է հասցրել նաեւ մարզի` Անտառաշատ, Վերին Խոտանան, Ներքին Խոտանան, Ձորաստան, Վանեք, Աղվանի գյուղերում։
Վնասի չափերը ճշտվում են։

Քարաթափում
Մարտի 13-ին, ժամը 16.00-ին Սյունիքի մարզից ստացված տեղեկության համաձայն` Կապան-Քաջարան ավտոճանապարհի 11-րդ կիլոմետրում տեղի է ունեցել քարաթափում` մոտ 120 մ երկարությամբ, ինչի հետեւանքով ավտոճանապարհը դարձել է անանցանելի։
Դեպքի վայր է մեկնել Սյունիքի մարզային փրկարարական վարչության օպերատիվ խումբը։
Կապանի «Ճանշինի» աշխատակիցների կողմից իրականացված մաքրման աշխատանքների արդյունքում ժամը 19.00-ի դրությամբ երթեւեկությունը վերականգնվել է։

Գետը դուրս է եկել ափերից
Մարտի 13-ին, ժամը 11.45-ի սահմաններում նույն մարզի Քաջարան գյուղի բնակիչներից ստացված ահազանգերի համաձայն` անձրեւի հետեւանքով գյուղի միջով հոսող գետակը վարարել է եւ քանդել 4 կամրջակ, իսկ գրանցված ուժեղ քամու հետեւանքով վնասվել են գյուղապետարանի ու մի շարք տնակների տանիքներ։
Վնասի չափը ճշտելու նպատակով գյուղապետարանում ստեղծվել է հանձնաժողով։

Գետը դուրս է եկել ափերից
Մարտի 13-ին, ժամը 07.15-ին ստացված նմանատիպ տեղեկության համաձայն` Որոտան գետի վտակը ողողել է Բռնակոթ գյուղի շուրջ 20 տուն եւ անասնագոմեր։
Դեպքի վայր է մեկնել մեկ մարտական հաշվարկ եւ 20 փրկարար, իսկ քիչ անց` նաեւ մարզային փրկարարական վարչության փրկարար ջոկատը եւ օպերատիվ խումբը։
Ջրածածկման գոտում հայտնված մարդիկ եւ անասունները փրկարարների օգնությամբ տարահանվել են անվտանգ վայր։
Ժամը 15.45-ի սահմաններում փրկարարների եւ գյուղի բնակիչների համատեղ ուժերով գետի հունը մաքրվել է, – ջրի մակարդակը` նվազել։

Գետը դուրս է եկել ափերից
Մարտի 12-ին, ժամը 16.43-ին ահազանգ է ստացվել, որ հորդառատ անձրեւների հետեւանքով Սյունիքի մարզի Բռնակոթ գյուղի միջով հոսող Որոտան գետի վտակը դուրս է եկել ափերից։
Դեպքի վայր են մեկնել Սիսիանի հրշեջ-փրկարարական ջոկատի փրկարարները։
Տեղում պարզվել է, որ գետի ջուրը մոտ 2 մ բարձրությամբ դուրս գալով ափերից` ողողել է Ա. Թանգյանին պատկանող անասնագոմը, կից կուտակված խոտի դեզը եւ 2000 քմ ընդհանուր մակերեսով երկու հողամաս։
Փրկարարների եւ գյուղի բնակիչների համատեղ ուժերով գետի հունը մաքրվել է, ջուրը հետ է քաշվել` առանց զգալի վնաս պատճառելու։