Հրդեհ գոմում
Հուլիսի 11-ին, ժամը 16.32-ին հրդեհ է բռնկվել Շիրակի մարզի Անուշավան գյուղում:
Դեպքի վայր է մեկնել մեկ մարտական հաշվարկ: Հրդեհը մեկուսացվել է ժամը 16.50-ին, մարվել` 18:30-ին:
Այրվել է Վ. Արշակյանին պատկանող անասնագոմի տանիքը` 60 քմ մակերեսով եւ այնտեղ պահեստավորված 3 տոննա անասնակերը:

Պատահար ճանապարհին
Հուլիսի 11-ին, ժամը 01.05-ին Շիրակի մարզային ոստիկանությունից տեղեկություն է ստացվել, որ Գյումրի-Շիրակ ավտոճանապարհի 7-րդ կմ-ում տեղի է ունեցել ավտոպատահար եւ անհրաժեշտ է փրկարարների օգնությունը:
Դեպքի վայր է մեկնել մարզային փրկարար ջոկատը:
Դեռեւս չպարզված հանգամանքներում «Տոյոտա-Պրադո» մակնիշի 04 ՏՏ 414 պետհամարանիշի ավտոմեքենան դուրս է եկել ճանապարհի երթեւեկելի մասից ու շրջվել:
Պատահարի հետեւանքով վարորդը` 1975 թ. ծնված Կ. Գալոյանը տեղում մահացել է: Նրա դին հայտնաբերվել է ավտոմեքենայից 30 մ հեռավորության վրա` սելավատարում:  Ուղեւորներ` 1977 թ. Ա. Բաղդասարյանը եւ նրան հասակակից Ա. Ղափլանյանը, փրկարարների օգնությամբ դուրս են բերվել ավտոմեքենայից ու տարբեր մարմնական վնասվածքներով տեղափոխվել Գյումրի «Գյուլբենկյան» հիվանդանոց:
Ըստ բժիշկների` տուժածների առողջական վիճակը միջին ծանրության է:

Հայտնաբերվել է ական
Հուլիսի 6-ին, ժամը 14.25-ին Գյումրիի «1-02» ծառայությունից տեղեկություն է ստացվել, որ ժամը 14.00-ի սահմաններում քաղաքացի Ժ. Խալոյանի կողմից մարզի Հին Առափի եւ Նոր Առափի գյուղերը միացնող կամրջի տակ հայտնաբերվել է ականանետի ական։
Դեպքի մասին տեղյակ են պահվել ՀՀ ազգային անվտանգության ծառայության եւ  պաշտպանության նախարարության օպերատիվ հերթապահները։
Ժամը 14.35-ին դեպքի վայր են մեկնել` Ախուրյանի հրշեջ-փրկարարական ջոկատի օպերատիվ խումբը, ՀՀ ՊՆ սակրավորների խումբը, Ոստիկանության եւ ԱԱԾ աշխատակիցներ։
Տեղում պարզվել է, որ զինամթերքը «ՌՊԳ-7» տիպի ական է։
Ժամը 16.00-ին ականը տեղափոխել է Գյումրու կայազորի կրակադաշտ` ոչնչացնելու նպատակով։

Գազի բալոնի պայթյուն
Հուլիսի 1-ին, ժամը 23.25-ին Ախուրյանի ոստիկանության բաժնից տեղեկություն է ստացվել, որ Բայանդուր գյուղում գազալիցքավորում կատարելուց հետո, «ԳԱԶԵԼ» մակնիշի 2000 Լ պետհամարանիշի ավտոմեքենայում տեղի է ունեցել գազի բալոնի պայթյուն:
Պատահարի հետեւանքով զոհվել է 60-ամյա Սիսակ Բաղդասարյանը, իսկ 34-ամյա Հենրիկ Բաղդասարյանը տեղափոխվել է Գյումրիի Գյուլպենկյանի անվան հիվանդանոց:
Ըստ բժիշկների` Հ. Բաղդասարյանի վիճակը գնահատվում է խիստ ծանր:

Հրդեհ
Հունիսի 29-ին Շիրակի մարզից տեղեկություն է ստացվել, որ ժամը 10.40-ին հրդեհ է բռնկվել Ախուրիկ գյուղում:
Ժամը 10.41-ին դեպքի վայր է մեկնել Գյումրիից մեկ մարտական հաշվարկ:
Հրդեհը մեկուսացվել է ժամը 11.02-ին, մարվել` ժամը 11.36-ին:
Այրվել են էլ. ենթակայանի փայտյա կառուցատարրերը` 20 քմ. մակերեսով, եւ 200 լիտր տրանսֆորմատորային յուղ:

Հրդեհ
Հունիսի 28-ին, ժամը 20.28-ին ահազանգ է ստացվել, որ հրդեհ է բռնկվել Շիրակի մարզի Գուսանագյուղում։
Դեպքի վայր է մեկնել մեկ մարտական հաշվարկ։
Հրդեհը մեկուսացվել է ժամը 20.49-ին, մարվել` ժամը 20.52-ին։
Այրվել է Թ. Թովմասյանին պատկանող օժանդակ շինության հողածածկ տանիքի վրա աճած` 122 քմ. մակերեսով խոտը եւ կից կուտակված 20 հակ անասնակերը։

Ասֆալտի վրա անցք է բացվել
Հունիսի 25-ին, ժամը 16.40-ին ահազանգ է ստացվել, որ Գյումրի քաղաքի Շահումյան 185/1 հասցեում գտնվող խանութի դիմաց ասֆալտը գոգավորվել է, եւ անցք է բացվել:
Ժամը 16.50-ին դեպքի վայր է մեկնել Շիրակի մարզային փրկարարական վարչության օպերատիվ խումբը:
Տեղում պարզվել է, որ փողոցի երթեւեկելի մասում ասֆալտը մոտ 0,3 քմ. մակերեսով գոգավորվել է, բացվել է 2,5 մ խորությամբ անցք, որը գտնվում է ջրահեռացման համակարգի վրա:
Դեպքի մասին տեղեկացվել են Գյումրիի քաղաքապետարանի եւ ջրմուղ-կոյուղու  համապատասխան ծառայությունների մասնագետները:

Հրդեհ
Հունիսի 22-ին, ժամը 15.31-ին ահազանգ է ստացվել, որ հրդեհ է բռնկվել Գյումրի քաղաքի Շահումյան փողոցի թիվ 58 տանը հարակից տարածքում։
Դեպքի վայր է մեկնել Գյումրի քաղաքի թիվ 1 ՀՓՋ-ից մեկ մարտական հաշվարկ։ Հրդեհը մարվել է ժամը 16.00-ին։
Այրվել են Ա. Ստեփանյանին պատկանող օժանդակ կառույցի առաստաղը` 8 քմ. մակերեսով, տնտեսական իրեր  եւ 7 էլ. հաշվիչ։