Հրդեհ
Հուլիսի 18-ին, ժամը 10.30-ին ահազանգ է ստացվել, որ հրդեհ է բռնկվել Շիրակի մարզի Գեղանիստ գյուղում։
Ժամը 10.31-ին դեպքի վայր է մեկնել Արթիկից մեկ մարտական հաշվարկ։
Հրդեհը մեկուսացվել է ժամը 10.50-ին, մարվել` ժամը 11.55-ին։
Այրվել են Է. Ասատրյանին պատկանող անասնագոմի տանիքի փայտյա կառուցատարրերը` 40 քմ մակերեսով, եւ պահեստավորված 1500 կգ անասնակերը։

Օձի խայթոց
Հուլիսի 12-ին, Շիրակի մարզից հայտնել են, որ ժամը 12.00-ի սահմաններում օձի խայթոցով Գյումրիի մանկական «Ավստրիական» հիվանդանոց է տեղափոխվել նույն քաղաքի բնակիչ, 1993 թ. ծնված Գեւորգ Հովհաննիսյանը:
Բժիշկները տուժածի առողջական վիճակը բավարար են գնահատել:

Ջրահեղձում Ախուրյան գետում
Հուլիսի 11-ին, ժամը 19.28-ին Շիրակի մարզում ստացված ահազանգի համաձայն` Վահրամաբերդ գյուղի եկեղեցու մոտ` Ախուրյան գետը տղամարդ է ընկել:
Դեպքի վայր է մեկնել մարզային փրկարարկան ջոկատը:
Տեղում պարզվել է, որ Ախուրյան գետում լողանալիս ջրահեղձվել է Գյումրիի բնակիչ` 1985 թ. ծնված Արմեն Ղարագյոզյանը:
Մինչեւ ժամը 21.30-ը իրականացված որոնողական աշխատանքները ավարտվել են անարդյունք:
Հաջորդ օրն առավոտյան դեպքի վայր է մեկնել հատուկ ջրափրկարարական ջոկատի օպերատիվ խումբը:
Հուլիսի 12-ին, ժամը 09.18-ին Ախուրյան գետից ջրասուզակներ դուրս են բերել Ա. Ղարագյոզյանի դին եւ հանձնել իրավապահ մարմիններին:

Հրդեհ գոմում
Հուլիսի 11-ին, ժամը 16.32-ին հրդեհ է բռնկվել Շիրակի մարզի Անուշավան գյուղում:
Դեպքի վայր է մեկնել մեկ մարտական հաշվարկ: Հրդեհը մեկուսացվել է ժամը 16.50-ին, մարվել` 18:30-ին:
Այրվել է Վ. Արշակյանին պատկանող անասնագոմի տանիքը` 60 քմ մակերեսով եւ այնտեղ պահեստավորված 3 տոննա անասնակերը:

Պատահար ճանապարհին
Հուլիսի 11-ին, ժամը 01.05-ին Շիրակի մարզային ոստիկանությունից տեղեկություն է ստացվել, որ Գյումրի-Շիրակ ավտոճանապարհի 7-րդ կմ-ում տեղի է ունեցել ավտոպատահար եւ անհրաժեշտ է փրկարարների օգնությունը:
Դեպքի վայր է մեկնել մարզային փրկարար ջոկատը:
Դեռեւս չպարզված հանգամանքներում «Տոյոտա-Պրադո» մակնիշի 04 ՏՏ 414 պետհամարանիշի ավտոմեքենան դուրս է եկել ճանապարհի երթեւեկելի մասից ու շրջվել:
Պատահարի հետեւանքով վարորդը` 1975 թ. ծնված Կ. Գալոյանը տեղում մահացել է: Նրա դին հայտնաբերվել է ավտոմեքենայից 30 մ հեռավորության վրա` սելավատարում:  Ուղեւորներ` 1977 թ. Ա. Բաղդասարյանը եւ նրան հասակակից Ա. Ղափլանյանը, փրկարարների օգնությամբ դուրս են բերվել ավտոմեքենայից ու տարբեր մարմնական վնասվածքներով տեղափոխվել Գյումրի «Գյուլբենկյան» հիվանդանոց:
Ըստ բժիշկների` տուժածների առողջական վիճակը միջին ծանրության է:

Հայտնաբերվել է ական
Հուլիսի 6-ին, ժամը 14.25-ին Գյումրիի «1-02» ծառայությունից տեղեկություն է ստացվել, որ ժամը 14.00-ի սահմաններում քաղաքացի Ժ. Խալոյանի կողմից մարզի Հին Առափի եւ Նոր Առափի գյուղերը միացնող կամրջի տակ հայտնաբերվել է ականանետի ական։
Դեպքի մասին տեղյակ են պահվել ՀՀ ազգային անվտանգության ծառայության եւ  պաշտպանության նախարարության օպերատիվ հերթապահները։
Ժամը 14.35-ին դեպքի վայր են մեկնել` Ախուրյանի հրշեջ-փրկարարական ջոկատի օպերատիվ խումբը, ՀՀ ՊՆ սակրավորների խումբը, Ոստիկանության եւ ԱԱԾ աշխատակիցներ։
Տեղում պարզվել է, որ զինամթերքը «ՌՊԳ-7» տիպի ական է։
Ժամը 16.00-ին ականը տեղափոխել է Գյումրու կայազորի կրակադաշտ` ոչնչացնելու նպատակով։

Գազի բալոնի պայթյուն
Հուլիսի 1-ին, ժամը 23.25-ին Ախուրյանի ոստիկանության բաժնից տեղեկություն է ստացվել, որ Բայանդուր գյուղում գազալիցքավորում կատարելուց հետո, «ԳԱԶԵԼ» մակնիշի 2000 Լ պետհամարանիշի ավտոմեքենայում տեղի է ունեցել գազի բալոնի պայթյուն:
Պատահարի հետեւանքով զոհվել է 60-ամյա Սիսակ Բաղդասարյանը, իսկ 34-ամյա Հենրիկ Բաղդասարյանը տեղափոխվել է Գյումրիի Գյուլպենկյանի անվան հիվանդանոց:
Ըստ բժիշկների` Հ. Բաղդասարյանի վիճակը գնահատվում է խիստ ծանր:

Հրդեհ
Հունիսի 29-ին Շիրակի մարզից տեղեկություն է ստացվել, որ ժամը 10.40-ին հրդեհ է բռնկվել Ախուրիկ գյուղում:
Ժամը 10.41-ին դեպքի վայր է մեկնել Գյումրիից մեկ մարտական հաշվարկ:
Հրդեհը մեկուսացվել է ժամը 11.02-ին, մարվել` ժամը 11.36-ին:
Այրվել են էլ. ենթակայանի փայտյա կառուցատարրերը` 20 քմ. մակերեսով, եւ 200 լիտր տրանսֆորմատորային յուղ: