Թունավորվել են երեխաներ
Մայիսի 28-ին, ժամը 11.00-ին Լոռու մարզից ստացված տեղեկության համաձայն` ժամը 10.40-ին պերեկիսի լուծույթից թունավորումով Վանաձորի «Նարեկ» մանկական հիվանդանոց է տեղափոխվել նույն քաղաքի Բանակի 15/16 հասցեի բնակիչ, երկամյա Սերժ Խաչատրյանը:
Մայիսի 28-ին Շիրակի մարզից ստացված մեկ այլ տեղեկության համաձայն`  ժամը 12.30-ին դեղորայքային թունավորումով Գյումրիի «Ավստրիական» մանկական հիվանդանոց է տեղափոխվել Ազատան գյուղի բնակիչ, 3-ամյա Նելլի Տեր-րիգորյանը:
Ըստ բժիշկների` տուժած երեխաների վիճակը գնահատվում է միջին ծանրության:

Զոհ ավտոպատահարից 
Մայիսի 25-ին, ժամը 15.00-ին Ստեփանավանի ճանապարհային ոստիկանությունից տեղեկություն է ստացվել, որ Ստեփանավան-Ագարակ ավտոճանապարհի 8-րդ կմ-ում տեղի է ունեցել ավտոպատահար, եւ անհրաժեշտ է փրկարարների օգնությունը:
Դեպքի վայր է մեկնել Լոռու մարզային փրկարարական վարչության փրկարար ջոկատը:
Դեռեւս չպարզված հանգամանքներում` «ՎԱԶ 2121» մակնիշի 77 ՕՍ 440 պետհամարանիշի ավտոմեքենան բախվել է ճամփեզրի արգելապատնեշին եւ շրջվել:
Պատահարի հետեւանքով ուղեւոր, Ագարակ գյուղի բնակիչ, 1960 թ. ծնված Կարեն Քոչարյանը տեղում մահացել է: Մեքենայի վարորդը` նույն գյուղի բնակիչ, 1973 թ. ծնված Մեսրոպ Քոչարյանը, չի տուժել:
Կ. Քոչարյանի դին փրկարարների ուժերով ավտոմեքենայից դուրս է բերվել եւ հանձնվել շտապօգնության բրիգադին:

Հրդեհ
Մայիսի 21-ին Լոռու մարզից տեղեկություն է ստացվել, որ ժամը 00.57-ին հրդեհ է բռնկվել Վանաձորի Երեւանյան խճուղու թիվ 147/1 տան բակում:
Ժամը 00.57-ին դեպքի վայր է մեկնել մեկ մարտական հաշվարկ:
Հրդեհը մեկուսացվել է ժամը 01.20-ին, մարվել` ժամը 02.18-ին:
Այրվել են Ժ. Անտոնյանին պատկանող` 20 քմ մակերեսով տնակը, ավտոտնակի տանիքը եւ 2 քմ մակերեսով պահեստավորված թեփ:

Հայտնաբերվել է դիակ
Մայիսի 19-ին, ժամը 19.31-ին Ստեփանավանի ոստիկանության բաժնից տեղեկություն է ստացվել, որ Տաշիր-Մեծավան ավտոճանապարհի 2-րդ կմ-ում գտնվող` ջրի եւ կոյուղու մաքրման կայանում հայտնաբերվել է դիակ:
Ժամը 19.36-ին դեպքի վայր է մեկնել մարզային փրկարարական վարչության` Ստեփանավան քաղաքում տեղակայված փրկարարական ջոկատը:
Ժամը 20.56-ին փրկարարների ուժերով 4 մ խորությամբ դիտահորի հատակից դուրս է բերվել Տաշիր քաղաքի Լենինի 1 հասցեի բնակիչ, 1963 թ. ծնված Պ. Մուրադյանի դին եւ հանձնվել ոստիկանության աշխատակիցներին:

Այրվել է էլեկտրասյուն
Մայիսի 19-ին, ժամը 18.05-ին ահազանգ է ստացվել, որ հրդեհ է բռնկվել Լոռու մարզի Միխայլովկա գյուղում:
Ժամը 18.06-ին դեպքի վայր է մեկնել մեկ մարտական հաշվարկ:
Հրդեհը մեկուսացվել է ժամը 18.24-ին, մարվել` ժամը 19.10-ին:
Ամբողջությամբ այրվել է երկու էլեկտրասյուն:

Սողանքներ Լոռու մարզում
Մայիսի 18-ին, Լոռու մարզի Ջիլիզայի գյուղապետից ահազանգ է ստացվել, որ մայիսի 17-ին տեղացած հորդառատ անձրեւների հետեւանքով Ալավերդի-Ջիլիզա ավտոճանապարհի տարբեր հատվածներում տեղի են ունեցել սողանքներ, ինչի հետեւանքով ճանապարհը դարձել է անանցանելի:
Ժամը 18.20-ի դրությամբ` Թումանյանի «Ճանշինի» կողմից իրականացված մաքրման աշխատանքների արդյունքում ճանապարհի երթեւեկությունը վերականգնվել է:

Դիակի հայտնաբերում
Մայիսի 18-ին, ժամը 01.05-ին տեղեկություն է ստացվել, որ Վանաձոր քաղաքի Խորենացի փողոցի թիվ 7 շենքի 28-րդ բնակարանի տարեց բնակիչը չի արձագանքում դռան և հեռախոսի զանգերին, և դուռը բացելու համար անհրաժեշտ է փրկարարների օգնությունը։
Ժամը 01.07-ին դեպքի վայր է մեկնել Լոռու մարզային փրկարարական վարչության փրկարար ջոկատը։
Փրկարարների ուժերով բացվել է բնակարանի դուռը, որտեղ հայտնաբերվել է 1932 թ. ծնված Ամալյա Վանյանի դին և հանձնվել իրավապահ մարմիններին։

Հրդեհ տանը
Մայիսի 13-ին, ժամը 17.00-ին ահազանգ է ստացվել, որ հրդեհ է բռնկվել Վանաձորի Տարոն-2 թաղամաս 12ա/9 հասցեում:
Դեպքի վայր է մեկնել մեկ մարտական հաշվարկ:
Հրդեհը մեկուսացվել է ժամը 17.40-ին, մարվել` ժամը 17.59-ին:
Հովհաննիսյանին պատկանող բնակարանում այրվել է մահճակալ` 3 քմ մակերեսով: