Հուլիսի 21-ին Արտակարգ իրավիճակների նախարար Արմեն Երիցյանը ներկայացրեց ԱԻՆ Հայաստանի փրկարար ծառայության նոր տնօրենին` գնդապետ Սերգեյ Ազարյանին։

- Ես հանրապետության նախագահի եւ վարչապետի հետ խոսել եմ նոր նշանակման մասին, եւ նրանք իրենց գոհունակությունն են հայտնել այդ կապակցությամբ,- նշեց նախարար Արմեն Երիցյանը,- Սերգեյ Ազարյանն իսկական սպա է, ու համոզված եմ, որ միասին հաջողությամբ կիրականացնենք նախատեսված բոլոր բարեփոխումներր։

- Ես շնորհակալ եմ այս նշանակման համար, - ասաց Սերգեյ Ազարյանը, - դա նշանակում է, որ ինձ վստահում եք։ Մենք լավ կոլեկտիվ ունենք, շատ գործ է կատարվել, սակայն անելիքները նույնպես շատ են։ Մենք ամեն ինչ անելու ենք, որ արդարացնենք սպասելիքները։


Գնդապետ ՍԵՐԳԵՅ ՆԻԿՈԼԱՅԻ ԱԶԱՐՅԱՆ

Ծնվել է 1955 թվականի հուլիսի 31-ին Կիրովաբադ քաղաքում։

1973 -1977 թթ. ընդունվել եւ ավարտել է Սարատովի բարձրագույն զինվորական ինժեներական, քիմիական պաշտպանության ուսումնարանը եւ նույն տարում անցել զինվորական ծառայության ԽՍՀՄ Պաշտպանության նախարարության համակարգում։

1977 թ. նշանակվել է Վրացական ԽՍՀ ՔՊ Հանրապետական շտաբի 983-րդ հաշվարկա-անալիտիկ խմբի պետ։

1979 թ. տեղափոխվել է Հայկական ԽՍՀ եւ նշանակվել 312-րդ առանձին մեքենայացված գնդի հակաքիմիական եւ հակաճառագայթային պաշտպանության դասակի հրամանատար։

1981 թ. նշանակվել է Լենինականի ՔՊ շտաբի ավագ սպա։

1985 թ. նշանակվել է Հայկական ԽՍՀ Քաղպաշտպանության շտաբի 302 դասընթացների դասախոսի պաշտոնին։

1986-1988 թթ. ընդունվել եւ ավարտել է Մոսկվայի Վ. Կույբիշեւի անվան ռազմա-ինժեներական ակադեմիան։

1988 թ. նշանակվել է Երեւանի Շահումյանի շրջանի գործադիր կոմիտեի քաղպաշտպանության պետի տեղակալի - շտաբի պետի պաշտոնին։

1989 թ. նշանակվել է Հայկական ԽՍՀ ՔՊ Հանրապետական շտաբի հակաքիմիական եւ հակաճառագայթային բաժնի պետի պաշտոնին։

1990 թ. նշանակվել է Երեւանի ՔՊ պետի տեղակալի - շտաբի պետի պաշտոնին։

1992 թ. զբաղեցրել է ՔՊ Հանրապետական շտաբի պետի առաջին տեղակալի պաշտոնը։

1993 թ. ՀՀ կառավարության որոշմամբ նշանակվել է ՀՀ Քաղաքացիական Պաշտպանության պետի տեղակալի - Հանրապետական շտաբի պետի պաշտոնին։

1993-1997 թթ.` ՀՀ արտակարգ իրավիճակների վարչության ձեւավորման օրվանից զբաղեցրել է ԱԻ պետվարչության պետի - նախարարի տեղակալի - ՀՀ Քաղաքացիական պաշտպանության Հանրապետական շտաբի պետի պաշտոնը։

1993 թ. շնորհվել է «գնդապետ» զինվորական կոչումը։

1998-1999 թթ. զբաղեցրել է ՀՀ կառավարությանն առընթեր ԱԻՎ պետի խորհրդականի պաշտոնը։

1999-2000 թթ.` ՀՀ ԿԱ ԱԻՎ բնակչության եւ տարածքների պաշտպանության վարչության պետի պաշտոնը։

2000-2001 թթ.` ԱԻՎ զորքերի եւ փրկարարական ուժերի վարչության պետի պաշտոնը։

2001-2005 թթ.` ՀՀ ԿԱ ԱԻՎ Արտակարգ իրավիճակների կանխման եւ հետեւանքների վերացման վարչության պետի պաշտոնին։

2005-2009 թթ. եղել է ՀՓԾ բնակչության եւ տարածքների պաշտպանության վարչության պետ։

2009 թ. ՀՀ Արտակարգ իրավիճակների նախարարի N 70-Ն հրամանով նշանակվել է ԱԻՆ Հայաստանի փրկարար ծառայության տնօրենի տեղակալի պաշտոնին։

2010 թ. հուլիսի 21 -ից` ԱԻՆ Հայաստանի փրկարար ծառայության տնօրեն։