| Կանոնադրությունը | | Տպել | |
|
Հավելված N 1 ՀՀ կառավարության 2005 թվականի մայիսի 19-ի N 634-Ն որոշման ԿԱՆՈՆԱԴՐՈՒԹՅՈՒՆ ՀԱՅԱՍՏԱՆԻ ՓՐԿԱՐԱՐ ԾԱՌԱՅՈՒԹՅԱՆ I. ԸՆԴՀԱՆՈՒՐ ԴՐՈՒՅԹՆԵՐ 1. Հայաստանի Հանրապետության արտակարգ իրավիճակների նախարարության Հայաստանի փրկարար ծառայությունը (այսուհետ` ծառայություն) Հայաստանի Հանրապետության արտակարգ իրավիճակների նախարարության (այսուհետ` նախարարություն) կառավարման ոլորտում գործող պետական մարմին է, որը մշակում եւ իրականացնում է արտակարգ իրավիճակներում բնակչության պաշտպանության եւ քաղաքացիական պաշտպանության բնագավառներում Հայաստանի Հանրապետության կառավարության քաղաքականությունը: 2. Ծառայության լիազորությունները սահմանվում են «Հայաստանի փրկարար ծառայության մասին», «Արտակարգ իրավիճակներում բնակչության պաշտպանության մասին», «Քաղաքացիական պաշտպանության մասին», «Սեյսմիկ պաշտպանության մասին» եւ «Հրդեհային անվտանգության մասին» Հայաստանի Հանրապետության oրենքներով, այլ oրենքներով, Հայաստանի Հանրապետության Նախագահի հրամանագրերով, կարգադրություններով, Հայաստանի Հանրապետության կառավարության որոշումներով, ինչպես նաեւ Հայաստանի Հանրապետության միջազգային պայմանագրերով: 3. Ծառայությունն իր գործունեությունն իրականացնում է Հայաստանի Հանրապետության oրենսդրությանը եւ այլ իրավական ակտերին համապատասխան: 4. Ծառայությունն ունի Հայաստանի Հանրապետության զինանշանի պատկերով եւ ծառայության հայերեն անվանմամբ կլոր կնիք, ձեւաթղթեր, խորհրդանիշ եւ այլ անհատականացման միջոցներ: 5. Ծառայությունը կազմված է ծառայության տնoրենից, ծառայության տնoրենի տեղակալներից, խորհրդականներից, մամուլի քարտուղարից, oգնականներից, ռեֆերենտներից, ծառայության աշխատակազմից, տարածքային եւ այլ ստորաբաժանումներից: Ծառայության համակարգում ընդգրկվում են նաեւ ծառայության ենթակայությանը հանձնված պետական ոչ առեւտրային կազմակերպությունները եւ հիմնարկները: 6. Ծառայության նպատակները եւ խնդիրներն են` ա) արտակարգ իրավիճակներում եւ ռազմական դրության (պատերազմի) ժամանակ մարդկանց կյանքի ու առողջության փրկումը եւ պահպանումը. բ) քաղաքացիական պաշտպանության եւ արտակարգ իրավիճակներում բնակչության պաշտպանության բնագավառներում միասնական պետական քաղաքականության իրականացումը. գ) փրկարարական, վթարային փրկարարական, անհետաձգելի վթարավերականգնողական եւ հրդեհաշիջման աշխատանքների կազմակերպումն ու իրականացումը. դ) քաղաքացիական պաշտպանության եւ արտակարգ իրավիճակներում բնակչության պաշտպանության հարցերով պետական կառավարման ու տեղական ինքնակառավարման մարմինների, կազմակերպությունների գործունեության համակարգումը, վերահսկումը եւ այդ հարցերով իրազեկման ապահովումը. ե) արտակարգ իրավիճակների կանխման, դրանց հնարավոր հետեւանքների նվազեցման եւ վերացման, քաղաքացիական պաշտպանության բնակչության պաշտպանության ծրագրերի, պլանների մշակումն ու դրանց կատարման ապահովումը. զ) արտակարգ իրավիճակներում եւ ռազմական դրության (պատերազմի) ժամանակ տուժածներին oգնություն ցուցաբերելու նպատակով ֆինանսական, պարենային բժշկական եւ նյութական այլ պաշարների, ֆոնդերի ստեղծումը եւ կուտակումը, դրանց նպատակային oգտագործման ապահովումը. է) բնակչության ուսուցման կազմակերպումը` արտակարգ իրավիճակներում բնակչության պաշտպանության եւ քաղաքացիական պաշտպանության հիմնահարցերով. ը) պետական հակահրդեհային ծառայության մատուցումը եւ պետական հրդեհային հսկողության իրականացումը. թ) արտակարգ իրավիճակներ առաջացնող երեւույթների ուսումնասիրությունը եւ արտակարգ իրավիճակների կանխման ու հետեւանքների վերացման միջոցառումների կազմակերպումն ու իրականացումը. ժ) փրկարարական ծառայողների (նրանց հավասարեցման անձանց եւ նրանց ընտանիքների անդամների) սոցիալական ապահովության եւ իրավական պաշտպանության իրականացումը. ժա) oրենքով սահմանված այլ լիազորություններ: |
