Հրդեհ ավտոմեքենայում
Մայիսի 19-ին, ժամը 20.10-ին ահազանգ է ստացվել, որ Արմավիրի մարզի Արմավիր քաղաքի Լերմոնտովի 17 հասցեին հարակից տարածքում ավտոմեքենա է այրվում:
Ժամը 20.11-ին դեպքի վայր է մեկնել մեկ մարտական հաշվարկ:
Հրդեհը մարվել է տեղի ուժերով:
Ամբողջությամբ այրվել է Հ. Մկրտչյանին պատկանող` «ՎԱԶ-2106» մակնիշի 28 ՍՍ 411 պետհամարանիշի ավտոմեքենայի սրահը:

Ուժեղ կարկուտ
Մայիսի 4-ին Արմավիրի մարզպետարանից տեղեկություն է ստացվել, որ ժամը 16.30-ից մինչև 17.00-ն ուժեղ կարկուտ է տեղացել մարզի Բագարան, Ակնալիճ, Եղեգնուտ և Արագած գյուղերի տարածքում։
Վնասի չափը ճշտելու նպատակով մարզպետարանում ստեղծվել է հանձնաժողով։

Մեղվի խայթոցին զոհ
Արմավիրի մարզից տեղեկություն է ստացվել, որ մայիսի 1-ին, ժամը 20.00-ի սահմաններում մեղվի խայթոցից թունավորվել եւ հիվանդանոց տեղափոխելու ճանապարհին մահացել է Լուկաշին գյուղի բնակիչ, 1953 թ. Ռադիկ Ավետիսյանը։

Հրդեհ բեռնատարում
Ապրիլի 10-ին Արմավիրի մարզից տեղեկություն է ստացվել, որ ժամը 14.45-ին հրդեհ է բռնկվել Արմավիր քաղաքի Երեւանյան փողոցում` Կարմիր կամրջին հարակից տարածքում կայանած ավտոմեքենայում:
Դեպքի վայր է մեկնել մեկ մարտական հաշվարկ:
Հրդեհը մեկուսացվել է ժամը 14.56-ին, մարվել` ժամը 15.15-ին:
Այրվել են Ռուբիկ Աբրահամյանին պատկանող «Զիլ-130» մակնիշի 02 ՏՕ 966 պետհամարանիշով բեռնատար ավտոմեքենայի` խցիկը, շարժիչի հատվածը եւ երկու անվադող:
Հրդեհի հետեւանքով Ռ. Աբրահամյանը դեմքի եւ ձեռքի այրվածքներով տեղափոխվել է Մեծամորի հիվանդանոց եւ, ստանալով առաջին բուժօգնություն, դուրս է գրվել հիվանդանոցից:

Ահազանգ Արմավիրից
Ապրիլի 6-ին «TIEARAS de Armenia» ընկերությունից տեղեկություն է ստացվել, որ ժամը 14.30-ին Արմավիրի մարզի Արեւադաշտ համայնքի` իրենց ընկերությանը պատկանող տարածքում աշխատող գյուղացիների կողմից հայտնաբերվել է արկի նմանվող առարկա:
Դեպքի մասին տեղյակ են պահվել ՀՀ ոստիկանությունը, ազգային անվտանգության ծառայությունը եւ պաշտպանության նախարարությունը:
Դեպքի վայր են մեկնել ՀՀ ՊՆ մասնագետների խումբը եւ Արմավիրի մարզային փրկարարական վարչության աշխատակիցները:
Ժամը 18.15-ին ՀՀ ՊՆ մասնագետների կողմից հայտնաբերված տեղից  բարձրացվել է 122 մմ-ոց բեկորաֆուգասային արկ` առանց մարտական գլխիկի ու հետագա վնասազերծման նպատակով տեղափոխվել ՊՆ ինժիներական զորքերի վարչություն:

Այրվել են վագոն-տնակներ
Ապրիլի 6-ին, ժամը 12.39-ին հրդեհ է բռնկվել Արմավիրի մարզի Նոր Կեսարիա գյուղում:
Դեպքի վայր է մեկնել մեկ մարտական հաշվարկ: Հրդեհը մեկուսացվել է ժամը 13.14-ին, մարվել` 14.55-ին:
Այրվել է «Արփա-Սեւան» ԲԲԸ-ին պատկանող հիդրոտեխնիկ շինարարական տեղամասում գտնվող 2 վագոն-տնակ` 36 քմ ընդհանուր մակերեսով:

Թունավորում
Արմավիրի մարզից ստացված տեղեկության համաձայն` մարտի 29-ին, ժամը 18.40-ին միջատասպան նյութից թունավորումով Վաղարշապատի հիվանդանոց է տեղափոխվել Դողս գյուղի բնակիչ, 1976 թ. ծնված Հ. Շահբազյանը:
Ըստ բժիշկների` տուժածը գտնվում է անգիտակից վիճակում:

Հրդեհ խորդանոցի տանիքում
Մարտի 25-ին, ժամը 19.23-ին հրդեհ է բռնկվել Արմավիրի մարզի Ծաղկունք գյուղում։
Դեպքի վայր է մեկնել երկու մարտական հաշվարկ։
Հրդեհը մեկուսացվել է ժամը 19.41-ին, մարվել` 20.20-ին։
Այրվել է Շ. Առաքելյանին պատկանող տանը կից կառուցված խորդանոցի տանիքը` 170 քմ մակերեսով։