Ջրահեղձում
Հուլիսի 24-ին, ժամը 20.00-ին տեղեկություն է ստացվել, որ Արմավիրի մարզի Ջանֆիդա գյուղին հարակից լճակում քաղաքացի է ջրահեղձվել, եւ անհրաժեշտ է փրկարարների օգնությունը:
Դեպքի վայր են մեկնել մարզային փրկարարական վարչության փրկարար ջոկատը եւ Երեւանից` հատուկ փրկարարական ջոկատի հերթապահ խումբը:
Ժամը 22.01-ին ջրասուզակի կողմից լճից դուրս է բերվել նույն մարզի Արմավիր գյուղի բնակիչ, 1980 թ. ծնված Արտակ Սալխոշյանի դին եւ հանձնվել շտապօգնության աշխատակիցներին:

Հրդեհ
Հուլիսի 22-ին, ժամը 19.47-ին ահազանգ է ստացվել, որ հրդեհ է բռնկվել Արմավիրի մարզի Էջմիածին քաղաքի Չարենցի 31 հասցեում տեղակայված չգործող կաթսայատանը:
Ժամը 19.48-ին դեպքի վայր է մեկնել մեկ մարտական հաշվարկ:
Հրդեհը մեկուսացվել է ժամը 20.21-ին, մարվել` ժամը 20.43-ին:
Այրվել է 300 լիտր մազութ:

Ջրահեղձում Արմավիրում
Արմավիրի ոստիկանության բաժնից տեղեկություն է ստացվել, որ հուլիսի 13-ին, ժամը 19.00-ի սահմաններում մարզի Ջանֆիդա գյուղի լճում ջրահեղձվել է Արմավիր գյուղի բնակիչ, 1990 թ. ծնված Գարուշ Յալվրյանը:
Տեղի ուժերով Գ. Յալվրյանը դուրս է բերվել լճից ու տեղափոխվել Արմավիր քաղաքի հիվանդանոց, որտեղ էլ ժամը 20.20-ի սահմաններում մահացել է:
Դեպքի վերաբերյալ մարզային փրկարարական վարչություն ահազանգ չի ստացվել:

Ստացել է այրվածքներ
Հուլիսի 5-ին, ժամը 11.30-ին Արմավիրի ոստիկանության բաժնից տեղեկություն է ստացվել, որ Արմավիրի մարզի Փշատավան գյուղի բնակիչ, 1955 թ. ծնված  Մ. Ենգիբարյանի կողմից ապակե տարայով բենզին տեղափոխելիս տարան կոտրվել է:
Առաջացած հրդեհի պատճառով Մ. Ենգիբարյանն ստացել է այրվածքներ եւ տեղափոխվել Արմավիրի բժշկական կենտրոն, այնուհետեւ` Երեւանի Ճառագայթային բժշկության եւ այվածքների գիտական կենտրոն:
Ըստ բժիշկների` տուժածն ստացել է 2-3-րդ կարգի այրվածքներ. վիճակը գնահատվում է ծանր:

Հրդեհ
Հուլիսի 3-ին Արմավիրի մարզից տեղեկություն է ստացվել, որ ժամը 20.27-ին հրդեհ է բռնկվել Խանջյան գյուղում:
Դեպքի վայր է մեկնել երկու մարտական հաշվարկ:
Հրդեհը մեկուսացվել է ժամը 21.05-ին, մարվել` ժամը 22.45-ին:
Այրվել է Ռ. Մինասյանին պատկանող տան բակում պահեստավորված 350 հակ անասնակերը:

Հրդեհ
Հուլիսի 2-ին, ժամը 19.48-ին ահազանգ է ստացվել, որ հրդեհ է բռնկվել Արմավիրի մարզի Մյասնիկյան գյուղի կենտրոնական մասում:
Ժամը 19.48-ին դեպքի վայր է մեկնել Բաղրամյանից մեկ մարտական հաշվարկ:
Հրդեհը մեկուսացվել է ժամը 19.58-ին, մարվել` ժամը 20.15-ին:
Էլեկտրական լարերի կարճ միացման հետեւանքով մասամբ այրվել է բարձր լարման (10 կ/Վտ) էլեկտրական սյուն:
Դեպքի մասին տեղյակ են պահվել էլ.ցանցի աշխատակիցները:

Հրդեհ
Հուլիսի 1-ին Արմավիրի մարզից տեղեկություն է ստացվել, որ ժամը 13.00-ին  հրդեհ է բռնկվել Մեծամոր քաղաքի թիվ 8/11 շենքին հարակից տարածքում:
Ժամը 13:01-ին դեպքի վայր է մեկնել Արմավիրից մեկ մարտական հաշվարկ:
Հրդեհը մեկուսացվել է  ժամը 13.15-ին, մարվել` ժամը 13.35-ին:
Այրվել է փայտե ինքնաշեն լքված տնակ` 4 քմ. մակերեսով:

Փլուզվել է պատը
Հունիսի 26-ին, ժամը 15.25-ին Արմավիրի մարզի ոստիկանության բաժնից տեղեկություն է ստացվել, որ Էջմիածին-Ոսկեհատ ճանապարհի սկզբնամասում` Հ. Հարությունյանին պատկանող կիսակառույց շինության պատը քանդելիս տեղի է ունեցել փլուզում, ինչի հետեւանքով զոհվել է Էջմիածնի Արագածի զանգված 15/20 հասցեի բնակիչ, 24-ամյա Բենիամին  Հայրապետյանը: