Գրունտային ջրերի բարձրացում
Ապրիլի 29-ին, ժամը 11.35-ին ահազանգ է ստացվել, որ Արարատի մարզի Սիփանիկ գյուղի տարածքում
նկատվում է գրունտային ջրերի մակարդակի բարձրացում։
Դեպքի վայր է մեկնել մարզային փրկարարական վարչութան օպերատիվ խումբը։
Տեղում պարզվել է, որ ջրերի մակարդակի զգալի բարձրացման հետեւանքով ջրալցվել է Լ. Սարգսյանին
պատկանող տան առաջին հարկը։
Գյուղապետի կողմից տան բնակիչներին ժամանակավոր կացարան է առաջարկվել։
Դեպքի մասին տեղյակ է պահվել Արարատի մարզպետը։

Հորդառատ անձրեւ
Ապրիլի 28-ին, Ժամը 09.40-ին Արարատի մարզի Սիփանիկ գյուղի բնակչուհի Ն.Սարգսյանից ահազանգ է ստացվել, որ հորդառատ անձրեւի հետեւանքով սելավային ջրերը լցվում են իր տուն:
Ժամը 09.50-ին դեպքի վայր է մեկնել Մասիս քաղաքի հրշեջ փրկարարական ջոկատի օպերատիվ խումբը:
Տեղում պարզվել է, որ հորդառատ անձրեւների եւ գրունտային ջրերի բարձրացման հետեւանքով ջրածածկվել են 50 տան տնամերձ հողատարածքները, եւ 10 նկուղային հարկեր լցվել են ջրով:
Դեպքի մասին տեղեկացվել է մարզպետարանը:

Հրդեհ տանը
Մարտի 26-ին Արարատի մարզից տեղեկություն է ստացվել, որ ժամը 11.18-ին հրդեհ է բռնկվել Հովտաշատ գյուղի 17 փողոցի 18-րդ տանը:
Դեպքի վայր են մեկնել մեկ մարտական հաշվարկ եւ ճգնաժամային կառավարման կենտրոնի օպերատիվ խումբը:
Դեպքի վայրում են գտնվել Մասիս քաղաքի ոստիկանության աշխատակիցները եւ շտապ օգնության մեկ բրիգադ:
Հրդեհը մարվել է ժամը 11.49-ին:
Այրվել են Հրեղեն Եղիազարյանին պատկանող տան ննջասենյակի հատակը` 3 քմ մակերեսով, եւ մեկ մահճակալ:
Ննջասենյակում հայտնաբերվել է նույն տան բնակիչ, 1961 թ. ծնված Սեդրակ Եղիազարյանի դին` այրված վիճակում:

Ավտոպատահար
Ապրիլի 21-ին, ժամը 22.32-ին ահազանգ է ստացվել, որ Արարատ-Եղեգնաձոր ավտոճանապարհի 32-րդ կմ-ում` Տիգրանաշեն գյուղի մոտ, տեղի է ունեցել ճանապարհատրանսպորտային պատահար, եւ կան տուժածներ:
Դեպքի վայր է մեկնել մարզային փրկարարական վարչության փրկարար ջոկատը:
Տեղում պարզվել է, որ, դեռեւս չպարզված հանգամանքներում, «Լեքսուս» մակնիշի 11 ՏՏ 222 պետհամարանիշի ամենագնաց մեքենան դուրս է եկել ճանապարհի երթեւեկելի հատվածից եւ շրջվել: Պատահարի հետեւանքով տարբեր մարմնական վնասվածքներ են ստացել Եղեգնաձորի բնակիչներ` 1971 թ. ծնված Ա.Դոնուղյանը եւ 1972 թ. ծնված Ա. Ստեփանյանը:
Մինչ փրկարարների` դեպքի վայր հասնելը, տուժածները տեղի ուժերով տեղափոխվել են Արարատի հիվանդանոց, որտեղ Ա. Դոնուղյանը մահացել է:
Ավելի ուշ Ա. Ստեփանյանը տեղափոխվել է Երեւանի «Էրեբունի» բժշկական կենտրոն: Վերջինիս վիճակը բժիշկները գնահատել են կայուն ծանր:
Փրկարարներն անջատել են ավտոմեքենայի էլեկտրական սնուցումը, փակել գազի բալոնի փականը:
Դեպքի վայրում են գտնվել Արարատի եւ Եղեգնաձորի ոստիկանության բաժնի աշխատակիցները:

Ինքնափլուզում
Ապրիլի 10-ին, ժամը 12.45-ին Արարատի մարզի Փոքր Վեդիի գյուղապետից ստացված տեղեկության համաձայն` ապրիլի 8-ին մասամբ փլուզվել է գյուղի բնակելի տներից մեկը:
Դեպքի վայր է մեկնել մարզային փրկարարական վարչության օպերատիվ խումբը:
Պարզվել է, որ ինքնափլուզվել է Գրիգոր Ղազարյանին պատկանող տան ճակատային պատը` 12 քմ մակերեսով, և տանիքը` ամբողջությամբ:
Տուժածներ չկան:

Հայտնաբերվել է դիակ
Ապրիլի 9-ին, ժամը 21.15-ին Արարատ քաղաքի ոստիկանության բաժնից տեղեկություն է ստացվել, որ Արարատ գյուղի Դեմիրճյան փողոցի 6-րդ՝ Խ.Գեղագուլյանին պատկանող տան տանիքում դիակ է հայտնաբերվել, եւ անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Ժամը 22.25-ին փրկարարների ուժերով տան տանիքից իջեցվել է 1984 թ. ծնված Անդրանիկ Գեղագուլյանի դին եւ հանձնվել «1-03» ծառայության աշխատակիցներին:

Այրվել է տանիքը
Ապրիլի 3-ին, ժամը 17.36-ին ահազանգ է ստացվել, որ հրդեհ է բռնկվել Արարատի մարզի Ջրահովիտ գյուղում։
Դեպքի վայր է մեկնել մեկ մարտական հաշվարկ։ Հրդեհը մեկուսացվել է ժամը 18.05-ին, մարվել` ժամը 18.45-ին։
Այրվել է Ս. Սաֆարյանին պատկանող անասնագոմի տանիքը` 55 քմ մակերեսով, եւ այնտեղ պահեստավորված 200 կգ անասնակերը։

Հրդեհ տնամերձում
Մարտի 24-ին, ժամը 16.50-ին ահազանգ է ստացվել, որ հրդեհ է բռնկվել Արարատի մարզում` Արտաշատ քաղաքի Օգոստոսի 23-ի փողոցի թիվ 121 եւ 123 տների մոտակայքում։
Դեպքի վայր է մեկնել մեկ մարտական հաշվարկ։
Հրդեհը մեկուսացվել է ժամը 17.00-ին, մարվել` 17.30-ին։
Գ. Սաֆարյանին եւ Է. Քոչարյանին պատկանող տնամերձ հողամասերում այրվել են տնկիներ, ծառեր եւ չոր խոտ` 500 քմ ընդհանուր մակերեսով։