2010թ. սեպտեմբերի 3-ին ՀՀ Նախագահի թիվ 189Ա հրամանագրով Հայաստանի Հանրապետության արտակարգ իրավիճակների նախարարության Հայաստանի փրկարար ծառայության տնօրեն, փ/ծ գնդապետ Սերգեյ Նիկոլայի Ազարյանին շնորհվել է փրկարարական ծառայության գեներալ-մայորի կոչում:

Այլ տեսահոլովակներ

15 օր շարունակ 28 հայ հրշեջ-փրկարարներ օրուգիշեր աշխատեցին Ռուսաստանում` պայքարելով անտառային հրդեհների դեմ, գյուղեր փրկեցին: Հայրենիք վերադարձան մեդալներով ու շնորհակալագրերով, իսկ Հայաստան կատարած այցի ժամանակ Ռուսաստանի նախագահ Դմիտրի Մեդվեդեւը հատուկ շնորհակալություն հայտնեց հայ հրշեջ-փրկարարներին` իրենց երկրին օգնելու համար:

2010 թվականի օգոստոսի 11-ին,  ժամը 10.00-11.30 Երևանի Հանրապետության հրապարակում տեղի կունենա Ճապոնիայի միջազգային համագործակցության գործակալության կողմից Հայաստանի Հանրապետության արտակարգ իրավիճակների նախարարության Հայաստանի փրկարար ծառայությանը 28 հրշեջ ավտոմեքենաների  հանձնման հանդիսավոր արարողությունը, որին կմասնակցեն բարձրաստիճան պաշտոնյաներ, ՀՀ-ում ներկայացված դիվանագիտական կորպուսի, միջազգային կազմակերպությունների ներկայացուցիչներ, բազմաթիվ հյուրեր:

Օգոստոսի 5-ից Ռուսաստանի Դաշնությունում հրդեհաշիջման աշխատանքներին են մասնակցում Հայաստանի արտակարգ իրավիճակների նախարարության 28 հրշեջ-փրկարար եւ 4 հրշեջ ավտոմեքենա: Վերջին երկու օրերի զարգացումների մասին դեպքի վայրից հաղորդում է հայկական խմբի ղեկավար, ՀՀ ԱԻՆ ՀՓԾ փրկարար ուժերի վարչության պետի տեղակալ Պավել Գյոզալյանը:

Հուլիսի 21-ին Ազգային անվտանգության խորհրդի քարտուղար Արթուր Բաղդասարյանն ու ԱԻ նախարար Արմեն Երիցյանն այցելեցին ԱԻՆ ՀՓԾ Հատուկ փրկարարական ջոկատ` դիտելու ժամանակավորապես այնտեղ տեղակայված 28 հրշեջ-մեքենաները, որոնք Հայաստանի Արտակարգ իրավիճակների նախարարության Հայաստանի փրկարար ծառայությանն է տրամադրել Ճապոնիայի կառավարությունը։