Հրդեհ Տավուշի մարզում
Մարտի 6-ին, ժամը 22.35-ին ահազանգ է ստացվել, որ հրդեհ է բռնկվել Տավուշի մարզում` Դիլիջան-Իջեւան ավտոճանապարհի 15-րդ կմ-ին հարակից տարածքում։
Դեպքի վայր է մեկնել մեկ մարտական հաշվարկ։ Հրդեհը  մեկուսացվել է ժամը 23.20-ին, մարվել` 00.10-ին։
Այրվել են Հաղարծին գյուղի բնակիչ Ա. Ստեփանյանին պատկանող` 36 քմ մակերեսով տնակը եւ 100 քմ խոտածածկույթ։

Քարաթափումներ
Մարտի 5-ին, ժամը 11.30-ին Տավուշի մարզպետարանից ստացված տեղեկության համաձայն` Հաղարծին գյուղից դեպի Հաղարծնի վանահամալիր տանող ավտոճանապարհի 4-րդ կիլոմետրում տեղի է ունեցել քարաթափում, ինչի հետեւանքով ճանապարհը գրեթե ամբողջությամբ փակվել է, եւ վնասվել է Թեղուտ գյուղի խմելու ջրագիծը։
Դեպքի վայր է մեկնել մարզային փրկարարական վարչության օպերատիվ խումբը։
Մարզպետարանի եւ «Ճանշինի» աշխատակիցների կողմից ձեռնարկված միջոցառումների արդյունքում ավտոճանապարհի ազատ հատվածով ապահովվել է միակողմանի երթեւեկություն։

Հրդեհ չորանոցում
Փետրվարի 23-ին Տավուշի մարզից տեղեկություն է ստացվել, որ ժամը 22.03-ին հրդեհ է բռնկվել Սեւքար գյուղում։
Դեպքի վայր է մեկնել մեկ մարտական հաշվարկ։ Հրդեհը մեկուսացվել է ժամը 22.30-ին, մարվել` 23.50-ին։
Այրվել է Թ. Ղալումյանին պատկանող` 33 քմ մակերեսով փայտի չորանոցը եւ 15 խմ փայտ։

Հրդեհ Տավուշի մարզում
Փետրվարի 17-ին, ժամը 01.10-ին ահազանգ է ստացվել, որ հրդեհ է բռնկվել Տավուշի մար-զի Արծվաբերդ գյուղում։
Դեպքի վայր է մեկնել երկու մարտական հաշվարկ։ Հրդեհը մեկուսացվել է ժամը 01.47-ին, մարվել` 04.40-ին։
Ամբողջությամբ այրվել են Ա. Ալիխանյանին պատկանող 10 քմ մակերեսով ավտոտնակը, ներսում գտնվող «Մոսկվիչ» մակնիշի առանց պետհամարանիշի երկու ավտոմեքենաները,  անասնագոմը եւ մառանը` համապատասխանաբար` 12 քմ եւ 6 քմ մակերեսով։

Ջուրը ողողել է մարզադահլիճը
Փետրվարի 13-ին, ժամը 10.02-ին Նոյեմբերյան քաղաքի թիվ 2 դպրոցից տեղեկություն է ստացվել, որ սառչելու հետեւանքով դպրոցի ջրագիծը գիշերվա ընթացքում վնասվել է, ջուրը լցվել է մարզադահլիճ, ինչը վտանգ է ներկայացնում հիմնապատերի համար։
Դեպքի վայր է մեկնել մեկ մարտական հաշվարկ։
Ժամը 11.08-ի դրությամբ փրկարարների ուժերով ջուրը հեռացվել է մարզադահլիճից։

Ավտոպատահար Երեւան-Իջեւան ավտոճանապարհին
Հունվարի 24-ին, ժամը 20.25-ին Տավուշի մարզային ոստիկանությունից ստացված տեղեկության համաձայն` Երեւան-Իջեւան ավտոճանապարհի 119-րդ կիլոմետրում տեղի է ունեցել ավտոպատահար, եւ անհրաժեշտ է փրկարարների օգնությունը։
Դեպքի վայր են մեկնել մեկ մարտական հաշվարկ եւ մարզային փրկարարական  վարչության փրկարար ջոկատը։
Դեռեւս չպարզված հանգամանքներում` «ԳԱԶ-24» մակնիշի 57 ՏԼ 039 պետհամարանիշի ավտոմեքենան բախվել է «ԿամԱԶ» մակնիշի 643 ԼԼ 36 պետհամարանիշի բեռնատարին։ Պատահարի հետեւանքով «ԳԱԶ-24» մակնիշի ավտոմեքենայի վարորդ, Դիլիջանի Օրջոնիկիձեի 79/14 հասցեի բնակիչ, 1956 թ. ծնված Էդիկ Թովմասյանը տարբեր մարմնական վնասվածքներով տեղափոխվել է Իջեւանի հիվանդանոց։
Ժամը 03.00-ին տուժածը հիվանդանոցում մահացել է։

Այրվել է խոտ
Հունվարի 11-ին, ժամը 17.33-ին ահազանգ է ստացվել, որ հրդեհ է բռնկվել Դիլիջան քաղաքի Մյասնիկյան փողոցում։
Դեպքի վայր է մեկնել մեկ մարտական հաշվարկ։ Հրդեհը մեկուսացվել է ժամը 17.55-ին, մարվել` 18.25-ին։
Գերեզմանատանը հարակից եղեւնուտում այրվել են 400 քմ մակերեսով չորացած տերեւներ եւ խոտ։

Հրդեհ անասնագոմում
Հունվարի 8-ին,  ժամը 12.35-ին հրդեհ է բռնկվել Տավուշի մարզի Նավուր գյուղում։
Ժամը 12.35-ին եւ ժամը 13.37-ին Բերդից դեպքի վայր են մեկնել համապատասխանաբար մեկական մարտական հաշվարկ։
Հրդեհը մեկուսացվել է ժամը 14.20-ին, մարվել` 23.00-ին։
Ամբողջությամբ այրվել են Ա. Միգոյանին եւ Ռ. Ասրյանին պատկանող անասնագոմերը` 260 քմ ընդհանուր մակերեսով։