Անասնակերը` կրակի բաժին 
Օգոստոսի 24-ին, ժամը 18.10-ին ահազանգ է ստացվել, որ հրդեհ է բռնկվել Սյունիքի մարզի Նորավան գյուղում: 
Դեպքի վայր է մեկնել մեկ մարտական հաշվարկ: Հրդեհը մեկուսացվել է ժամը 19.00-ին, մարվել` 20.25-ին:
Գ. Եղիազարյանի տան բակում այրվել է 280 հակ պահեստավորված անասնակեր:

Պատահար ջրում
Օգոստոսի 24-ին, ժամը 08.15-ին ոստիկանությունից ահազանգ է ստացվել, որ Սյունիքի մարզում` Կապանի Մ. Հարությունյան 1 շենքի մոտ, Ողջի գետը տղամարդ է ընկել:
Դեպքի վայր է մեկնել մարզային փրկարարական ջոկատը:
Փրկարարները գետից դուրս են բերել նույն շենքի բնակիչ, 1970 թ. Արայիկ Պողոսյանին, որն այնուհետեւ տեղափոխվել է Կապանի հիվանդանոց:
Ըստ բժիշկների` տուժածի վիճակը բավարար է:

Այրվել է անասնակեր
Օգոստոսի 23-ին, ժամը 15.33-ին ահազանգ է ստացվել, որ հրդեհ է բռնկվել Սյունիքի մարզի Հացավան գյուղում:
Դեպքի վայր է մեկնել երկու մարտական հաշվարկ: Հրդեհը մեկուսացվել է ժամը 17.30-ին, մարվել` 19.50-ին:
Այրվել է ցորենի 1 հա մակերեսով հնձած արտ եւ Գ. Հովհաննիսյանի տան բակում պահեստավորված 600 հակ անասնակեր:

Այրվել է տնակ
Օգոստոսի 11-ին, ժամը 18.08-ին ահազանգ է ստացվել, որ հրդեհ է բռնկվել Սյունիքի մարզի Սյունիք գյուղում: 
Դեպքի վայր է մեկնել մեկ մարտական հաշվարկ: Հրդեհը մեկուսացվել է ժամը 18.45-ին, մարվել` 19.30-ին:
Ամբողջությամբ այրվել է Ռ. Գրիգորյանին պատկանող տնակը` 27 քմ մակերեսով:

Այրվել է անասնակեր
Օգոստոսի 7-ին, ժամը 19.05-ին ահազանգ է ստացվել, որ հրդեհ է բռնկվել Սյունիքի մարզի Խոտ գյուղում:
Վ. Համբարձումյանին պատկանող տան բակում այրվել է  անասնակերի պահոց` 48 քմ մակերեսով, ներսում կուտակված 700 հակ անասնակեր եւ 2 քմ մակերեսով շինանյութ:

Թոռանը փրկելիս
Հուլիսի 30-ին, ժամը 19.16-ին ահազանգ է ստացվել, որ Սյունիքի մարզում` Սիսիանի Երեւանյան այգու լճակում մարդ է ջրահեղձվել եւ անհրաժեշտ է փրկարարների օգնությունը:
Դեպքի վայր է մեկնել Սիսիանի ջոկատից 3 հրշեջ-փրկարար եւ 2 ջրասուզակ:
Տեղում պարզվել է, որ 1941 թ. ծնված Պետյա Հայրապետյանն իր թոռանը` 3-ամյա Պետյա Հայրապետյանին փրկելով` լճակում ջրահեղձվել է:
Ժամը 20.05-ին ջրասուզակների ուժերով Պ.Հայրապետյանի դին դուրս է բերվել ջրից ու հանձնվել շտապօգնության աշխատակիցներին:

Հրդեհ
Հուլիսի 13-ին, ժամը 18.20-ին  հրդեհ է բռնկվել Կապան քաղաքի Մելիք Ստեփանյան փողոցի թիվ 16 շենքի 27 բնակարանում։
Դեպքի վայր են մեկնել Կապան քաղաքի ՀՓՋ-ից մեկ մարտական հաշվարկ եւ ավտոսանդուղք։
Հրդեհը մեկուսացվել է  ժամը 18.35-ին, մարվել` ժամը 19.00-ին։
Այրվել են ննջասենյակը` 12 քմ. մակերեսով, 2 մահճակալ եւ 1 զգեստապահարան։

Ջրահեղձում Սյունիքում
Հուլիսի 12-ին, ժամը 14.55-ին ոստիկանությունից տեղեկություն է ստացվել, որ Գորիս-Երեւան ավտոճանապարհի 10-րդ կմ-ին հարակից «Սդղի» կոչվող լճում երեխա է խեղդվել եւ անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ, որը կանչի վայր հասնելով պահանջել է ջրասուզակի օգնություն:
Ժամը 16.30-ին տեղի ուժերով ջրից դուրս է բերվել որիսի բնակիչ, 1994 թ. ծնված Արման  Ավետիսյանի դին, որը հանձնվել է իրավապահ մարմիններին: