Խեղդվել է ջրանցքում
Հունիսի 25-ին, ժամը 23.05-ին Գեղարքունիքի մարզից տեղեկություն է ստացվել, որ ժամը ժամը 20.00-ի սահմաններում Գեղամավան գյուղի տարածքով անցնող Սեւան-Հրազդան ջրանցքի հետիոտնային բետոնե կամուրջը փլուզվել է, ինչի հետեւանքով նույն գյուղի բնակիչ, 1972 թ. Հայաստան Խաչատրյանը կամրջի վրայից  ընկել է ջրանցքը եւ խեղդվել:
Կապ է հաստատվել Սեւան-Հրազդան “Ոռոգում ջրառ” ՓԲԸ-ի տնօրենի հետ, եւ ջրանցքում ջրի հոսքը դադարեցվել է:
Դեպքի վայր են մեկնել հատուկ ջրափրկարարական եւ մարզային փրկարարական վարչության փրկարար ջոկատները:
Ժամը 23.59-ին Հրազդան ՋԷԿ-ի արգելացանցերի մոտ հայտնաբերվել է զոհվածի դին:
Ջրափրկարարների ուժերով դին դուրս է բերվել ջրանցքից եւ հանձնվել ոստիկանության աշխատակիցներին:
Ժամը 00.45-ին Կոտայքի մարզային փրկարարական վարչությունից ստացված տեղեկության համաձայն` ջրանցքի նույն հատվածում հայտնաբերվել է երկու գլուխ խոշոր եղջերավոր անասուն` մեկը սատկած, մյուսը` կենդանի վիճակում:
Ժամը 02.50-ին փրկարարների ուժերով կենդանիները դուրս են բերվել ջրանցքից:

Հորդառատ անձրեւ
Հունիսի 23-ին Գեղարքունիքի մարզից տեղեկություն է ստացվել, որ հունիսի 21-ին եւ 22-ին տեղացած հորդառատ անձրեւների հետեւանքով սարերից իջնող ջրերը վարարել  եւ ողողել են Գանձակ համայնքի`  6-8 հա գարու եւ ցորենի ցանքատարածքները։

Անձրեւ եւ կարկուտ
Հունիսի 17-ին, ժամը 14.00-ից մինչեւ 14.30-ը տեղացած ուժեղ կարկուտից վնասվել են Գեղարքունիքի մարզի Զոլաքար գյուղի 30 հա կարտոֆիլի, 30 հա կաղամբի, 60 հա ցորենի և գարու ցանքատարածքները:
Վնասի չափը ճշտելու նպատակով գյուղապետարանում ստեղծվել է հանձնաժողով:

Հրդեհ
Հունիսի 10-ին, ժամը 14.03-ին ահազանգ է ստացվել, որ հրդեհ է բռնկվել Գեղարքունիքի մարզի Փամբակ գյուղում։
Ժամը 14.05-ին դեպքի վայր է մեկնել Վարդենիսից մեկ մարտական հաշվարկ։
Հրդեհը մեկուսացվել է ժամը 15.00-ին, մարվել` ժամը 16.50-ին։
Ամբողջությամբ այրվել է Ա. Գեւորգյանին պատկանող բնակելի տնակը` 25 քմ. մակերեսով։

Մեքենաները թաղվել են ավազուտներում
Հունիսի 8-ին, ժամը 18.58-ին ահազանգ է ստացվել, որ երկու մեքենա են թաղվել Գավառ քաղաքի Արծվաքար թաղամասին հարակից լճափնյա տարածքի ավազուտներում, եւ անհրաժեշտ է փրկարարների օգնությունը։
Դեպքի վայր մեկնած` Գեղարքունիքի մարզային փրկարարական վարչության փրկարարների ուժերով ավազուտներից դուրս են բերվել Ի. Աղեկյանին պատկանող, ՈւԱԶ-469ե մակնիշի 31 ԼՕ 201 եւ Ծ.Խաչատրյանին պատկանող, ԳԱԶ-24 մակնիշի 29 ԼՏ 343 պետհամարանիշների ավտոմեքենաները։

Հողաշերտի փլուզում
Հունիսի 3-ին, ժամը 15.05-ին ահազանգ է ստացվել, որ Գեղարքունիքի մարզի Գավառ քաղաքի «Արծվաքար» թաղամասում, կոյուղաջրերի հորան փորելու աշխատանքներ իրականացնելու ժամանակ տեղի է ունեցել հողաշերտի ինքնափլուզում, ինչի հետեւանքով մեկ աշխատակից մնացել է հողի տակ, իսկ երկրորդը` մինչեւ կրծքավանդակը ծածկվել է հողով:
Ժամը 15.06-ին դեպքի վայր են մեկնել մեկ մարտական հաշվարկ եւ մարզային փրկարարական վարչության հերթապահ խումբը:
Մինչ փրկարարների` կանչի վայր հասնելը, 1981 թ. ծնված Ռաֆիկ Մանասյանը քաղաքացիների օգնությամբ դուրս է բերվել հորանից:
Փրկարարների կողմից իրականացված որոնողական աշխատանքների արդյունքում ժամը 16.40-ին հորանում հայտնաբերվել է 1960 թ. ծնված Կամո Սահակյանի դին:
Ժամը 17.40-ին փրկարարների ուժերով դին դուրս է բերվել հորանից:

Զոհ` կայծակից
Մայիսի 13-ին, ժամը 19:30-ին նմանատիպ ահազանգ է ստացվել Գավառի ոստիկանության բաժնից:
Դեպքի վայր մեկնած` Գեղարքունիքի մարզային փրկարարական վարչության փրկարարների ուժերով Գավառ-Սեւան ավտոճանապարհին գտնվող Հայրավանք եկեղեցուն հարակից ճահճուտից դուրս է բերվել Էջմիածին քաղաքի բնակիչ, 1972 թ. ծնված Սուրեն Սահակյանի դին եւ հանձնվել ոստիկանության աշխատակիցներին:
Ըստ ականատեսների` Սահակյանը զոհվել է կայծակնահարումից:

Զոհ` կայծակից
Մայիսի 13-ին, ժամը 17.30-ին Գեղարքունիքի մարզի Ճամբարակի հիվանդանոցից տեղեկություն է ստացվել, որ Արտանիշ գյուղին հարակից տարածքում դիակ կա, եւ այն դուրս բերելու համար անհրաժեշտ է փրկարարների օգնությունը:
Ժամը 17.35-ին «1-03» ծառայության աշխատակիցների հետ դեպքի վայր է մեկնել Ճամբարակի հրշեջ փրկարարական ջոկատի պետը:
Արտանիշ գյուղին հարակից սարում հայտնաբերվել է նույն գյուղի բնակիչ, 1996 թ. ծնված Սուրեն Գաբրիելյանի դին:
Ըստ բժշկի` Գաբրիելյանը զոհվել է կայծակնահարումից: